Një raketë balistike e lëshuar nga Irani është rrëzuar në hapësirën ajrore turke, njofton Ministria turke e Mbrojtjes.
Raketa u shkatërrua nga sistemet mbrojtëse të NATO-s të vendosura në Mesdheun Lindor, ndërsa fragmentet e saj ranë në fusha të zbrazëta në Gaziantep, në juglindje të Turqisë.
Ministria e Mbrojtjes theksoi:
“Do të ndërmerren të gjitha hapat e nevojshëm me vendosmëri dhe pa hezitim kundër çdo kërcënimi të drejtuar ndaj territorit dhe hapësirës ajrore të vendit tonë.”
Ky është incidenti i dytë i raportuar brenda një jave. Javën e kaluar, Ankaraja njoftoi se sistemet mbrojtëse të NATO-s rrëzuan një raketë tjetër që po drejtohej drejt hapësirës ajrore turke. Teherani ka mohuar të ketë lëshuar raketën.
Incidenti i fundit ka ngjallur shqetësim të madh në NATO. Shefi i Aleancës, Mark Rutte, tha se Neni 5, që parashikon mbrojtjen kolektive të vendeve anëtare, “nuk është në tryezë” në këtë rast, duke shmangur përfshirjen e menjëhershme të anëtarëve në një konflikt të mundshëm.
Ky zhvillim rrit tensionet në rajon dhe vë në provë gatishmërinë e NATO-s për mbrojtjen e hapësirës ajrore të Turqisë përballë kërcënimeve balistike.
