Debatet e komisionit hetimor shëndetësor dhe Ilir Beqja janë spostuar në seancën e sotme parlamentare.
Deputetët e opozitës ankohen se i ka kërcënuar Beqja, ndërsa mazhoranca e quan sjelljen e tyre një shoë politik.
Kreu i grupit parlamentar të Partisë Demokratike Gazment Bardhi, ndërsa ka replikuar me deputetët socialist, duke I akuzuar se pas shpine flasin keq për njëri tjetrin, i është drejtuar kryetares së Kuvendit Elisa Spiropali se nuk duhet ta mbrojë ministren e Infrastrukturës Belinda Balluku, se është në dijeni se sa shumë e do.
Spiropali i është kundërpërgjigjur, se ai nuk mund të lexojë se çfarë kanë të tjerët në zemër.
Pjesë nga debati Bardhi-Spiropali
Bardhi: Nuk bëhesh dot Shën Pal sa kohë je bashkëpunëtori i lali inceneratorit. Ne si parti jemi të hapura dhe i bëjmë në publik luftën ndaj hajdutërisë, nuk jemi si Belinda Balluku dhe Veliaj që paguajnë edhe vrasës me pagesë të eliminojnë njëri-tjetrin. Mos e mbro Belindën se e di sa e do
Spiropali: Ju nuk lexoni zemra
Bardhi: Di çfarë thoni privatisht për njëra-tjetrën. Pra paguajnë vrasës me pagesë të eliminojnë njëri tjetrin. Dhe në foto dalin si vëlla e motër.
