Me akuza të rënda kundër administratës së ujësjellësit, kryeministri Edi Rama ka shpallur sot një raport “të frikshëm” mbi menaxhimin e ujit në Vlorë dhe në shkallë kombëtare, duke zbuluar se borxhet e grumbulluara arritën në 13.6 miliardë euro në vitin 2020.
Gjatë prezantimit të Operatorit Kombëtar të Ujit (OKU), Rama i quan 58 shoqëritë e mëparshme të ujit “çeta” dhe vuri në dukje “nivel të frikshëm papërgjegjshmërie” në administrim.
“Harxho, shpërdor, dridh zinxhirin dhe ngarko kompaninë e shpërndarjes së energjisë me borxhe”, denoncoi kryeministri, duke shpjeguar se qeveria e tij filloi ristrukturimin në 2021, duke reduktuar 58 shoqëri në 15 rajonale.
Sot, 9 nga 15 shoqëritë rajonale nuk krijojnë më detyrime ndaj OSHEE-së, një hap i rëndësishëm, por jo i mjaftueshëm. Rama theksoi se problemi kërkon qasje kombëtare: “Njerëzit nuk pinë decentralizim në rubinet, por ujë”.
Prezantimi i OKU-së synon të centralizojë dhe profesjonalizojë shpërndarjen e ujit në të gjithë vendin, duke i dhënë fund definitiv modelit të vjetër të shpërndarë dhe të korruptuar.
