back to top
10.5 C
Tirana
E martë, 18 Mars, 2025
spot_img
KreuAktualitetRajoniBosnja lëshon urdhër-arresti mbarëkombëtar për Milorad Dodik

Bosnja lëshon urdhër-arresti mbarëkombëtar për Milorad Dodik

Gjykata e nivelit shtetëror të Bosnje dhe Hercegovinës ka lëshuar një urdhër-arresti mbarëkombëtar për Milorad Dodik dhe dy të tjerë, pasi Presidenti i entitetit me shumicë serbe të Bosnjës në Republika Srpska injoroi një urdhër arresti në nivel shtetëror javën e kaluar.

Dy të tjerët janë kryeministri i njësisë Radovan Vishkoviç dhe kryetari i Asamblesë Kombëtare Nenad Stevandiç. Urdhri nënkupton që çdo oficer policie në vend që i sheh duhet t’i arrestojë menjëherë.

Të gjithë ata akuzohen për sjellje antikushtetuese. Mediat boshnjake raportojnë se Stevandiq është larguar nga vendi për në Serbi gjatë fundjavës dhe në këtë kohë qëndron jashtë vendit.

Prokurorët e nivelit shtetëror të Bosnjës lëshuan urdhra arresti për tre zyrtarët javën e kaluar, të cilat nuk janë zbatuar. Urdhri mbarëkombëtar del automatikisht nëse ata që kërkohen nga zyra e prokurorisë në nivel shtetëror nuk vijnë për t’u marrë në pyetje, siç është rasti me tre zyrtarët serbë të Bosnjës.

Dodik nuk ka komentuar ende urdhrin e ri, por ka postuar në X se Republika Srpska po ndërmerr hapa për të formuar policinë e saj kufitare. Është e paqartë nëse kjo polici e re kufitare – e cila do të vepronte përveç agjencisë së kontrollit kufitar në nivel shtetëror – do të vendoset përgjatë vijës administrative midis entiteteve.

Marrëveshja e Paqes e Dejtonit e vitit 1995, pjesë e së cilës vepron si kushtetuta e vendit, e ka ndarë Bosnjën në dy njësi ose entitete kryesore administrative – Republika Srpska ose RS me shumicë serbe dhe Federata Boshnjako-Kroate e BiH me një qeveri ombrellë në nivel shtetëror në kryeqytetin Sarajevë.

spot_img
ARTIKUJ TË NGJASHËM
- Advertisment -spot_img

Më të Lexuarat