Halit Valteritha se dosja e Ilir Metës që ka në duar SPAK, do të nxjerrë akuza të reja, ku do të zbulohen edhe emrat e përfshirë.
Zoti Valteri tha se arsyeja e përplasjes mes Metës dhe Monika Kryemadhit është celulari i deputetes që ka zbuluar Prokuroria e Posaçme, ku zbulohen të gjitha, nga çështja e lobimit, CEZ-DIA, deri tek akuzat për operacionet plastike.
“Dosja e Metës është vetëm masa e sigurisë, nuk është e plotë me akuzat. Ilir Meta ndaj çirret dhe bërtet, ka nxjerrë dhe tek Këshilli Bashkiak, Tedi Blushin që të sulmojë drejtësinë.
E dinë çfarë pritet të dalë.
Marrëdhënia Ilir Meta-Monika Kryemadhi ndaj është krisur, për shkak të telefonit të saj që është zbuluar nga SPAK. Në këtë celular dalin mesazhet që i kanë nisur ministrave të Ramës, Berishës, që firmosnin dhe i bindeshin vetëm urdhrave.
Shefi dhe motra ishin dy njerëz që dirigjonin korrupsionin në sistemin e politikës shqiptare dhe kudo që kishin mundësi. Lobimi, CEZ-DIA, operacionet plastike, vërtetohen të gjitha tek të dhënat që janë gjetur në celularin e Monika Kryemadhit. Aty i ka provat SPAK.
Por halli nuk është vetëm tek celulari, por tek dëshmia që ka dhënë Kryemadhi dhe ish-bashkëpunëtorëve të Metës. Donatorëve të famshëm që kanë pasur rrogë 32.000 mijë lekë dhe kanë deklaruar 50 mijë dollarë donacione.
Ku i gjenin këto para në rrugë që deklaronin donacion tek LSI-ja, 40-50 mijë dollarë në fund të vitit.
Dosja e SPAK-ut është vetëm maja e ajsbergut, për ato që ne do të shohim. Në ditët në vijim do të kemi ngjarje, dëshmi, prova të reja, pasi prokuroria nuk e lë me kaq. Pasi shqiptarët mezi po presin që të bëhet drejtësi në këtë vend.
Parat që kanë fshehur nëpër oligarkët, tregon se ky sistem është i inkriminuar nga maja deri tek ushtari i fundit. Ne nuk na intereson sa vite burg do të bëjë Meta, por pasuritë që ka vjedhur.
Për shembull, vila në Lalëz për shembull të shitet dhe të bëhet një shkollë, në shërbim të qytetarëve.
Letër-porositë që kanë ardhur nga Qipro, Anglia, San Marino, apo nga Praga që pritet të vijë së shpejti. Ka shumë njerëz të përfshirë; të dhëna të reja do të dalin nga dëshmitë që janë dhënë në SPAK”, tha ish-deputeti për Dritare TV.
