Pas transmetimit të emisioni të Blendi Fevziut, ku u pretendua se Jeffrey Epstein kishte ardhur në Shqipëri më 11 shtator 2018, aktivistja Evi Kokalar ka reaguar në rrjetet sociale, duke mohuar të gjitha pretendimet.

Fevziu bazoi pretendimin mbi një flight log të publikuar së fundmi nga Departamenti i Drejtësisë së SHBA-së, duke cituar kodin “ALB” si një aeroport shqiptar. Kokalari thekson se ky është një gabim themelor.

“Kodi i aeroportit shqiptar është TIA, Aeroporti Ndërkombëtar ‘Nënë Tereza’. ALB është kodi i aeroportit ndërkombëtar të Albany, në New York. Jeffrey Epstein nuk ka qenë kurrë në Shqipëri, dhe as avioni i tij nuk është ulur ndonjëherë këtu,” shkruan ajo.

Reagimi i Kokalarit rikthen në vëmendje rëndësinë e verifikimit të informacionit përpara publikimit, veçanërisht për ngjarje ndërkombëtare me interes publik.