Kryebashkiaku i Tiranës, Erion Veliaj, ka lënë qelinë e tij në burgun e Durrësit dhe ka mbërritur këtë të enjte në ambientet e SPAK, ku po merret në pyetje nga prokurorët e çështjes.
Marrja në pyetje po kryhet në prani të avokatëve të tij, Ermir Beta dhe Artur Selmani, të cilët po ndjekin nga afër çdo hap të procesit ligjor.
Kjo është hera e parë që kryebashkiaku i Tiranës merret në pyetje pas caktimit të masës së sigurisë arrest me burg nga gjykata dhe transferimit të tij në paraburgimin e Durrësit.
Kujtojmë se Veliaj akuzohet për veprat penale të “korrupsionit pasiv të funksionarëve të lartë shtetërorë ose të zgjedhurve vendorë”, në 9 raste si dhe “pastrimit të produkteve të veprës penale ose veprimtarisë kriminale”.
