Gjykata e Posaçme Kundër Korrupsionit dhe Krimit të Organizuar (GJKKO) ka rrëzuar kërkesën e ish-zëvendëskryeministres Belinda Balluku për shuarjen e masës së sigurisë “pezullim nga detyra”.
Vendimi u mor nga gjyqtari Erion Çela, i cili vendosi të mos pranojë kërkesën e paraqitur nga Balluku për revokimin e masës së sigurimit.
Përmes kësaj kërkese, ish-zv.kryeministrja kërkonte revokimin e menjëhershëm të masës që i ndalon ushtrimin e funksioneve publike si zëvendëskryeministre e Republikës së Shqipërisë dhe ministre e Infrastrukturës dhe Energjisë.
Me vendimin e gjykatës, masa e sigurisë “pezullim nga detyra” ndaj Belinda Balluku mbetet në fuqi, ndërsa hetimet e nisura nga SPAK vijojnë.
