Sekretari i Përgjithshëm i Partisë Demokratike, Flamur Noka, ka reaguar pas emërimit të ish-deputetit të PD-së, Dashnor Sula, në postin e kryeinspektorit të përgjithshëm.
Përmes një postimi në rrjetet sociale, Noka komentoi largimin e Sulës nga Partia Demokratike dhe emërimin e tij nga qeveria, duke e lidhur këtë zhvillim me vendimet e kryetarit të PD-së, Sali Berisha.
“Berisha mund të gabojë kur afron, por jo kur largon. Të gjithë ata që kishin dyshime dhe na sulmuan për gjysmagjelin, e morën përgjigjen sot me zë dhe figurë”, shkruan Noka në reagimin e tij.
Reagimi i Flamur Nokës vjen menjëherë pas vendimit të qeverisë për të emëruar Dashnor Sulën në një post të lartë shtetëror, zhvillim që ka ngjallur debate dhe reagime politike.
