Presidenti amerikan Donald Trump ka njoftuar planet për të vendosur një tarifë prej 10% ndaj Mbretërisë së Bashkuar, Danimarkës dhe vendeve të tjera evropiane për “të gjitha ose çdo mall” të eksportuar drejt Shteteve të Bashkuara, duke filluar nga 1 shkurti.
Në një postim në platformën Truth Social, Trump deklaroi se tarifat do të mbeten në fuqi deri në “momentin kur të arrihet një marrëveshje për blerjen e plotë dhe totale të Grenlandës”.
Deklarata e tij pritet të shkaktojë reagime të forta në Evropë, ndërsa nuk ka ende një qëndrim zyrtar nga qeveritë e vendeve të përmendura.
