Në Gjykatën e Posaçme po zhvillohet procesi gjyqësor ndaj Ilir Beqajt, ish-ministrit të Shëndetësisë, në lidhje me çështjen e Sterilizimit.
Gjatë seancës së sotme, Beqaj u shpreh se akuza e re, e rikualifikuar nga gjykata, nuk i është komunikuar asnjëherë, duke shtuar se i është komunikuar vetëm akuza për “shpërdorim detyre”.
Ai refuzoi të përfshihej në gjykimin e shkurtuar, duke pretenduar pafajësi dhe duke kundërshtuar disa akte të dosjes së SPAK. Ndërkohë, 8 të pandehurit e tjerë që pranuan akuzat po procesohen me gjykim të shkurtuar, përfshirë ish-zëvendësministrin Klodian Rrjepaj.
Sipas procedurës, Beqaj do të gjykohet në procedurë të zakonshme, duke kërkuar qartësi dhe saktësi në formulimin e akuzave ndaj tij.
