Ish-kryeministri norvegjez, Thorbjorn Jagland, është nën hetim zyrtar me akuzën e “korrupsionit të rënduar”, për shkak të përfshirjes së tij në skandalin e dosjeve Epstein.
Ministri i Jashtëm i Norvegjisë ka kërkuar heqjen e imunitetit të Jaglandit si ish-kreu i një organizate ndërkombëtare, për të lehtësuar hetimin.
Jagland ka shërbyer si kryeministër i Norvegjisë nga viti 1996 deri në vitin 1997 dhe si sekretar i përgjithshëm i Këshillit të Evropës nga viti 2009 deri në vitin 2019. Midis janarit 2009 dhe marsit 2015, ai gjithashtu kryesoi komitetin që zgjedh fituesit e Çmimit Nobel për Paqen.
Drejtori i prokurorisë norvegjeze Okokrim, Pal K. Lonseth, tha se:
“Ka baza të arsyeshme për hetim, duke pasur parasysh se ai mbajti postet e kryetarit të Komitetit të Nobelit dhe Sekretarit të Përgjithshëm të Këshillit të Evropës gjatë periudhës së mbuluar nga dokumentet e publikuara.”
Sipas dokumenteve të publikuara, Jagland kishte dërguar një email për Jeffrey Epstein në maj të vitit 2012, ku shkruante:
“Kam qenë në Tiranë (Shqipëri) vajza të jashtëzakonshme.”
Instituti Norvegjez i Çmimit Nobel njoftoi të mërkurën se po priste një shpjegim nga Jagland lidhur me këto lidhje të raportuara.
Hetimi është duke marrë vëmendje ndërkombëtare, duke qenë se Jagland ka mbajtur poste të larta qeveritare dhe ndërkombëtare gjatë periudhës së përfshirjes së tij në këto komunikime.
