Ish-kryetarja e Gjykata Kushtetuese e Shqipërisë, Holta Zaçaj, ka kandiduar për një vend në Këshillin Mbikëqyrës të Banka e Shqipërisë, vetëm tre muaj pasi përfundoi mandatin kushtetues në fund të nëntorit 2025.

Posti i synuar konsiderohet një funksion i lartë publik në një institucion buxhetor dhe kërkon procedurë parlamentare me seancë dëgjimore në komision, miratim nga mazhoranca dhe votim në Kuvend.

Sipas të dhënave të publikuara nga Gjykata Kushtetuese, gjatë vitit 2025 Zaçaj ka shqyrtuar çështje ku palë kanë qenë Kuvendi i Shqipërisë, deputetë të veçantë apo edhe Banka e Shqipërisë. Vendimmarrjet e saj janë konsideruar profesionale dhe të pavarura, në përputhje me rolin kushtetues të gjyqtarit. Megjithatë, kandidimi për një post që kërkon votë politike nga Kuvendi dhe mbështetje nga mazhoranca, brenda një periudhe kaq të shkurtër, ka nxitur diskutime mbi mundësinë e konfliktit të interesit dhe perceptimin publik për paanshmërinë.

Sipas Institutit te Studimeve Politike, ekspertët theksojnë se në disa vende të Bashkimit Evropian ekzistojnë kufizime ligjore për kalimin e menjëhershëm të gjyqtarëve kushtetues në poste të tjera publike me natyrë ekzekutive, ndërsa në vende të tjera zbatohen standarde të forta etike dhe integriteti. Praktika dhe opinione të ndryshme të Komisioni i Venecias sugjerojnë shmangien e rasteve kur një gjyqtar kushtetues, menjëherë pas mandatit, kërkon një post që miratohet përmes votës politike, pasi kjo mund të krijojë dyshime për konflikt retrospektiv interesi dhe të ndikojë në besimin publik te ndarja e pushteteve dhe integriteti i sistemit gjyqësor.

Në këtë kontekst, theksohet se Kuvendi duhet të kryejë verifikime të thelluara për të vlerësuar nëse kandidatura përputhet me standardet e integritetit dhe nëse vendimmarrjet e mëparshme me palë institucionet shtetërore mund të lidhen me interesin për një post të ri publik.