Në Gjykatën Administrative të Apelit Tiranë u mbajt sot për llogari të Kolegjit Zgjedhor Gjyqësor seanca për shqyrtimin e kërkesë padisë së Partisë Demokratike – Aleancës për Shqipërinë Madhështore për votat e Greqisë.

Koalicioni PD – ASHM kërkoi shfuqizimin e vendimit të KAS, që në 13 maj pranoi ankesën e PS-së dhe shpalli të pavlefshëm vendimit e kryekomisionerit Ilirjan Celibashi që diferencoi votat nga Greqia.

Trupi gjykues i Kolegjit Zgjedhor Gjyqësor vendosi që të rrëzojë kërkesën e PD.

Votat e shqiptarëve në Greqi janë bërë ‘mollë sherri’ mes Partisë Socialiste dhe Partisë Demokratike, pasi kjo e fundit pretendon për shkelje dhe parregullsi dhe kërkon që zarfet të mos hapen deri sa të shqyrtohet rasti.