Etleva Skonja

Këshilli i Lartë i Prokurorisë (KLP) duket se nuk ka arritur të përmbushë detyrat për të cilat është krijuar, duke e vendosur institucionin në një situatë të pasigurt.

Përplasjet e fundit brenda Këshillit, sidomos midis kryetares Mirela Bogdani dhe anëtarit Sokol Stojani, kanë nxjerrë në pah jo vetëm mungesën e efikasitetit, por edhe më tepwr.

Deklaratat e bëra nga Stojani në mbledhjen e 2 shtatorit 2025, ku kritikoi qartë menaxhimin e Bogdanit, kanë theksuar një problem më të gjerë se sa vetëm funksionimi institucional.

“Por më thua se ne kemi prioritete, dhe prioriteti ishte garantimi i pagave. Oh Zot! Garantimi i pagave nuk është diskutuar as në ’97-ën! As në ’97-ën! Ky është vizioni. Pastaj thotë, se do bëjmë parashikime, 15 retreat-e. 15? Çfarë jemi ne, agjenci udhëtimi? Çfarë jemi këtu? Si do kthehet kjo, në KLP TRAVEL?! Të lutem shumë,” është shprehur Stojani.

Ai ka theksuar gjithashtu se mënyra e menaxhimit të pushimeve të kryetares, si dhe emërimet e prokurorëve të rinj, nuk kanë pasur solemnitetin e duhur dhe kanë qenë të diskutueshme:

“Në mënyrë abuzive, zonja kryetare, ju keni ndikuar te kryesekretaria që të mos protokollohen gjërat… Por ikët në plazh dhe, në kundërshtim me ligjin, nuk njoftuat zv.kryetarin dhe sekretarin e përgjithshëm që të vijonte normalisht institucioni...”

Megjithatë, përtej sfidave institucionale, vëmendja është tërhequr nga pasuria e kryetares Bogdani, e cila duket se ka njohur një rritje të konsiderueshme gjatë periudhës së saj në krye të KLP-së. Analiza e bërë nga “E Vërteta.al” mbi deklaratat e pasurisë në ILDKPKI tregon:

Të ardhurat nga paga dhe mësimdhënia kanë shkuar nga rreth 3.3 mln lekë në 2022 në rreth 5 mln lekë në 2024.

Pasuri bankare ka njohur luhatje, me një ulje për shkak të blerjes së një apartamenti, por me rritje të re pas transaksioneve të mëvonshme.

Pasuri të paluajtshme, nga asnjë në 2022, Bogdani ka blerë një apartament 72 m² në 2023 dhe një shtesr 172 m² në 2024.

Borxhet janë reduktuar në 0 €, nga 7,000 € në 2022.

Këto shifra tregojnë një përmirësim të ndjeshëm në gjendjen financiare personale të kryetares, ndërsa tensionet në KLP vazhdojnë të reflektojnë sfidat e drejtimit të institucionit.

Edhe në mbledhjen e fundit të datës 23 tetor 2025, përplasjet Stojani-Bogdani nuk munguan, ndërsa disa prokurorë mbeten pa drejtues, duke theksuar se problematikat strukturore dhe institucionale e kanë bërë të vështirë funksionimin normal të KLP-së.

Më poshtë po sjellim pasurinë e Mirela Bogdanit për tre vite e cila paguhet nga shumë institucione e borde.

VITI 2022

Pasuri bankare:

4 llogari në lekë dhe euro, me total rreth ~39,000 euro + 2.56 milion lekë.

Të gjitha deklarohen “të krijuara nga kursimet”.

Ekziston një borxh prej 7,000 euro.

Të ardhura:

Paga nga Këshilli i Lartë i Prokurorisë: 2,037,324 lekë

Mësimdhënie (3 institucione): 1,262,215 lekë

Dieta nga Këshilli i Europës + OSBE: 3,077 euro

Totali i të ardhurave për vitin 2022 ≈ ~3.3 milion lekë + 3,000 euro

Pasuri të qëndrueshme, pa pasuri të paluajtshme të re. Shuma të mëdha në banka që nuk shpjegohen qartë nga të ardhurat e atij viti (rrjedhojë e kursimeve të viteve të mëparshme).

VITI 2023

Pasuri të reja:

Blerje apartamenti 72.01 m² me vlerë 50,000 euro, ende i paregjistruar.

Shumë llogari bankare me ndryshime (pakësime dhe shtesa), tregon lëvizje aktive të fondeve.

Llogari bankare:

Ulje në disa llogari me 21,632.34 + 5,545 + 510,013.01 lekë + 746,968.20 lekë.

Shtesa: 14,847.84 euro (kursime) + 22.02 GBP / 1.5 USD (interesa).

Të ardhura:

Paga nga KLP: 2,687,394 lekë

Dieta dhe honorare (brenda/ jashtë): ~6,500 euro

Mësimdhënie (UT, Shkolla e Avokatisë, Magjistratura): ~755,579 lekë

Shlyer borxhi i mëparshëm prej 7,000 euro (borxhi zhduket në këtë vit).

Blerja e apartamentit prej 50,000 euro është elementi më i rëndësishëm.

Me të ardhura vjetore të rreth 3.4 milion lekë (~28,000 euro), blerja e pasurisë 50,000 euro është e vështirë për t’u justifikuar vetëm me të ardhurat e vitit, përveç nëse përdoren kursime nga vitet e mëparshme (gjë që përmendet pjesërisht).

Vërehen pakësime të mëdha në disa llogari, që ndoshta lidhen me këtë blerje.

VITI 2024

Pasuri të paluajtshme:

Apartament 172.30 m² (shtesë 105.60 m²), vlera e deklaruar “0 euro”, gjë që është anomali (nuk është e mundur që shtesa të jetë pa vlerë).

Pjesë takuese 100% , pra zotëron plotësisht pronën.

Pasuri bankare:

Shtesa të shumta në lekë dhe euro (nga paga dhe kursime):

2,709.90 + 1,888.27 + 7,746.74 + 9,484.87 = 21,829.78 euro

132,077.28 + 1,693,225.40 = 1,825,302.68 lekë

Burimi kryesor: të ardhura dhe kursime nga paga.

Të ardhura:

Nga KLP (paga + dieta): ~4.39 milion lekë

Nga mësimdhënie dhe borde: ~639,000 lekë

Dieta dhe honorare jashtë vendit: ~2,700 euro

Totali i të ardhurave ≈ ~5 milion lekë + 2,700 euro

Rritje e ndjeshme e të ardhurave krahasuar me vitin 2023.

Rritje e kursimeve bankare dhe shtim i pronësisë.

Megjithatë, deklarimi i shtesës së pronës me “vlerë 0” është i pazakontë dhe mund të nënkuptojë mungesë informacioni mbi burimin e financimit ose një gabim formal.

Krahasim midis viteve

 Elementë që ngrejnë pikëpyetje

Vlera e papërcaktuar e apartamentit në 2024 (shtesë 105.6 m² “me vlerë 0”) është mospërputhje logjike dhe ligjore, çdo pasuri duhet të ketë vlerë tregu ose kosto reale ndërtimi.

Blerja e apartamentit 50,000 euro në 2023 nuk shpjegohet plotësisht nga të ardhurat e deklaruara të atij viti, duket se është përdorur pjesërisht kapital i grumbulluar nga kursimet e mëparshme.

Sasia e madhe e kursimeve në euro dhe lekë në 2022-2024 është e lartë në raport me të ardhurat vjetore, duke ngritur pyetje mbi origjinën (a janë kursime shumëvjeçare, bashkëpronarë, trashëgimi etj.).

Lëvizjet e shumta në llogari (pakësime e shtesa në disa monedha) tregojnë aktivitet financiar të shpeshtë, që mund të kërkojë verifikim të dokumentuar në ILDKPI.

Analiza e pasurive dhe të ardhurave