Këshilli i Ministrave ka miratuar një vendim me ndryshime dhe shtesa në vendimin nr. 324, datë 31.05.2023, që përcakton pagat e punonjësve shqiptarë të misioneve diplomatike dhe përfaqësive ndërkombëtare jashtë vendit.

Vendimi përfshin punonjësit e personelit shqiptar që shërbejnë në:

Misionet diplomatike të Republikës së Shqipërisë në shtetet e huaja,

Përfaqësitë ushtarake pranë NATO-s,

Organizatat ndërkombëtare dhe shtabet ushtarake ndërkombëtare.

Përveç tyre, vendimi rregullon pagat edhe për punonjës të tjerë shqiptarë që shërbejnë si:

Nëpunës ndërlidhës,

Oficerë kontakti,

Përfaqësues të ministrisë përgjegjëse për bujqësinë,

Prokuror ndërlidhës pranë EUROJUST në Hagë, Holandë.