Shumë shpejt Kvaratskhelia do të transferohet te PSG. Gazeta franceze ‘Le Parisien’ bën një bilanc të negociatave mes sulmuesit gjeorgjian dhe kampionëve të Francës dhe shpjegon se synimi i palëve është mbyllja me sukses e operacionit deri të mërkurën. Bëhet fjalë për një akord midis 65 dhe 75 milionë euro.
Vlen të theksojmë se Kvara ka kërkuar largimin, diçka që është bërë publike edhe nga trajneri i Napolit, Conte, disa ditë më parë. Dëshira e futbollistit ka qenë vendimtare në tratativa, teksa për momentin mungon vetëm zyrtarizimi.
