Sot, Kuvendi nis diskutimet maratonë për projektbuxhetin e vitit 2025, ndërsa opozita do të jetë pjesë e diskutimeve, por jo e miratimit.
Pra në momentin kur buxheti do të miratohet nen për nen, opozita do të depozitojë disa amendamente, që u vijnë në ndihmë qytetarëve.
Në ditën e miratimit, konkretisht të martën, opozita do të protestojë me qytetarët kundër buxhetit, ashtu siç ka paralajmëruar më herët kreu i PD-së, Sali Berisha.
Opozita nuk e ka bojkotuar në debate në Komisione, ndryshe nga disa vite më parë.
Ky buxhet i cili vazhdon tendencën rritëse nga viti në vit, është më i madhi ndonjëherë e do të përdoret kryesisht për vijimin e reformave dhe financimin e kantiereve të hapura aktualisht. Nuk parashikohet rritje pagash dhe nuk ka fond të paracaktuar për rritje pensionesh gjatë vitit 2025.
