Zgjedhjet 2025, po paraprihen nga takimet e partive politike me Diasporën.
Kryeministri Edi Rama i ka filluar prej disa ditësh, por edhe Partia Demokratike po mobilizohet.
Kreu i PD-së, Sali Berisha, ka dhënë detaje nga takimi me me shqiptarët e Anglisë.
“Në këtë takim do të jenë të pranishëm, anëtarja e kryesisë së PD, zëdhënësja e kësaj partie, zonja Floriana Garo, do të jetë i pranishëm drejtori i drejtorisë së Komunikimit, Alfred Lela dhe unë do të ju drejtohem nga zyra ime dhe do ti përshëndes.
Zonja Topalli është në një udhëtim tjetër, të parashikuar përpara, kështu që ajo do të vazhdojë axhendën e vet, edhe ajo shumë axhendë e rëndësishme në përpjekjen tonë për të mobilizuar sa më shumë diasporën në mbështetje të PD-së për zgjedhjet e ardhshme.
Në këtë takim do të jetë edhe Besart Xhaferri, kryetar i FRPD. Do të ketë një organizim për takimet, sepse një njeri nuk i përballon dot, çfarëdo që të bëjë. Ndaj dhe për ne është një rëndësi e veçantë, takimet me diasporën janë shumë të rëndësishme”, ka thënë Berisha.
