Pas përfundimit të seancës parlamentare të kësaj të mërkure, Partia Demokratike ka njoftuar zhvillimin e një mbledhjeje me drejtuesit e saj politikë në orën 14:00.

Sipas njoftimit zyrtar, kjo mbledhje do të zhvillohet pa praninë e mediave, çka lë të kuptohet se do të diskutohen çështje të rëndësishme të brendshme pas përplasjes së sotme në Kuvend dhe deklaratave të forta të liderëve opozitarë.

Ende nuk është bërë e ditur agjenda e diskutimeve, por burime pranë PD-së thonë se në fokus do të jenë zhvillimet pas 11 majit, qëndrimi ndaj mazhorancës dhe strategjia e opozitës për muajt në vijim.