Pas disa javësh të zhurmshme lidhur me të ardhmen e mesfushorit turk të Interit, Hakan Çalhanoglu, duket se kësaj telenovele i ka ardhur fundi. Ka qenë vetë agjenti i tij, Gordon Stipic, që në një intervistë së fundmi ka vendosur pikat mbi “i”, duke theksuar se Çalhanoglu do të qëndrojë në Milano:
“Nuk ka patur asnjë ofertë nga ana e Fenerbahçe dhe mund t’Ju konfirmoj se nuk ka patur as edhe një takim as me drejtuesit e Gallatasaray. Ka patur telefonata dhe në këtë periudhë janë normale, por mund t’Ju them se Hakan është i lumtur në Milano”, theksoi agjenti i mesfushorit turk, duke shuar përfundimisht zërat për një lëvizje të mundshme të lojtarit të tij në këtë merkato.
