Një qytetar nga Kosova, së bashku me tre fëmijët e tij, kanë mbetur të bllokuar në automjet në rrugën që të çon drejt Nishtullës, për shkak të përmbytjeve të shkaktuara nga reshjet e dendura të shiut.

Sipas informacioneve, ata janë nisur nga Ndroqi, por rruga ka qenë e pakalueshme për shkak të prezencës së madhe të ujit në segmentin rrugor. Siç shihet edhe në pamjet e siguruara, automjeti ka mbetur i bllokuar në mes të rrugës.

Në vendngjarje po ndërhyhet me karrotrec për nxjerrjen e automjetit dhe sigurimin e qytetarëve, ndërsa fatmirësisht nuk raportohet për persona të lënduar.

Autoritetet u bëjnë thirrje drejtuesve të mjeteve të shmangin qarkullimin në akset e përmbytura dhe të ndjekin njoftimet zyrtare, për shkak të rrezikut të shtuar nga reshjet intensive.