Pesë ushtarë amerikanë janë plagosur rëndë gjatë operacionit të SHBA-së kundër Iranit, njoftoi ushtria amerikane të shtunën. Situata vjen në kuadër të një ofensivë ushtarake që synon të godasë strukturat kryesore të Gardës Revolucionare Islamike dhe aleatët e saj në Lindjen e Mesme.
Presidenti Donald Trump, gjatë shpalljes së operacionit, paralajmëroi se veprimet e ndërmarra janë të rrezikshme dhe se jeta e ushtarëve amerikanë është gjithmonë në rrezik. “Jeta e heronjve amerikanë mund të humbasë dhe mund të kemi viktima. Kjo ndodh shpesh në luftë,” tha Trump, duke theksuar se veprimet e SHBA-së janë të nevojshme për të parandaluar kërcënimet ndaj vendit dhe aleatëve të tij.
Ushtria amerikane nuk ka dhënë detaje të mëtejshme për identitetin e ushtarëve të plagosur apo për gjendjen e tyre shëndetësore, por ka njoftuar se ata ndodhen nën kujdesin e stafit mjekësor ushtarak dhe janë në gjendje stabile.
Sulmi i SHBA-së vjen në një kohë tensioni të lartë në rajon, pas goditjeve të koordinuara me Izraelin ndaj bazave iraniane dhe udhëheqësve të lartë të Gardës Revolucionare. Analistët paralajmërojnë se situata mund të përshkallëzohet, ndërsa Irani ka premtuar hakmarrje ndaj çdo agresioni.
Ekspertët ushtarakë shprehen se operacionet e tilla janë të ndërlikuara dhe çdo veprim mund të ketë pasoja serioze për stabilitetin në Lindjen e Mesme dhe sigurinë e trupave amerikane.
