Policia e Tiranës ka njoftuar se për shkak të protestës së Partia Demokratike e Shqipërisë para Kuvendit të Shqipërisë, ditën e nesërme do të ketë bllokime rrugësh dhe kufizime në lëvizjen e automjeteve.

Sipas njoftimit, rruga kryesore e bllokuar do të jetë “George W. Bush”, nga ora 06:00 deri në përfundim të tubimit, i cili është planifikuar të nisë në orën 10:00 para Parlamentit. Policia sqaron se, në varësi të zhvillimit të protestës, mund të ketë kufizime edhe në rrugë të tjera.

Për të lehtësuar qarkullimin, autoritetet kanë parashikuar rrugë alternative për devijimin e automjeteve. Policia apelon qytetarët për mirëkuptim dhe u kërkon të distancohen në rast se hasin veprime të kundërligjshme që cenojnë rendin dhe sigurinë publike.

Masat e ndërmarra kanë për qëllim garantimin e rendit dhe sigurisë, në përputhje me ligjin “Për tubimet”, me mbështetjen e Drejtorisë së Përgjithshme të Policisë së Shtetit.