Zyra e BE-së dhe misioni i OSBE-së në Shqipëri kanë bërë deklarata publike, me theksin se nuk kanë marrë pjesë në hartimin e Kodit të ri Penal.

Reagimi i Komunitetit të BE-së në Shqipëri
Delegacioni i Bashkimit Europian për Shqipërinë ka deklaruar se përshëndet çdo iniciativë për forcimin e drejtësisë, qeverisjes të mirë dhe luftës kundër korrupsionit, përsa kohë që është në përputhje me standardet evropiane dhe bazuar në reforma të mëparshme.

Gjithashtu, theksuan se procesi i reformës nuk duhet të komprometohet, dhe se çdo ndryshim ligjor duhet të jetë i mbështetur mbi parimin e “papërmbysjes” së reformës në drejtësi të vitit 2016.

BE u shpreh se çdo legjislacion i ri duhet të jetë në përputhje të plotë me kriteret e integrimit në BE dhe prioritet është konsulta gjithëpërfshirëse me të gjitha palët e interesuara

Deklarata e OSBE-së
Sipas deklaratës, OSBE thekson se nuk ishte ftuar dhe nuk mori pjesë në procesin e hartimit të draft‑kodit penal. Megjithatë, ata njoftuan se po e shqyrtojnë dokumentin dhe janë të gatshëm të ofrojnë rekomandime konkrete për Qeverinë dhe Parlamentin e ardhshëm, në përputhje me mandatin e tyre për mbështetjen e institucioneve demokratike dhe sundimit të ligjit .