Gjykata Kushtetuese ka njoftuar SPAK dhe avokatët e kryebashkiakut të Tiranës, Erjon Veliaj, që brenda datës 27 shkurt të depozitojnë parashtrimet e tyre si palë në çështjen ku Veliaj kërkon që masa e sigurisë “arrest në burg” të shpallet e jo-kushtetueshme.

Sipas raportimit të gazetares së Top Channel, Anila Hoxha, kjo kërkesë i është dërguar palëve me shkrim nga Gjykata Kushtetuese, pas kalimit të kërkesës së kryebashkiakut në seancë plenare javën e kaluar.

Kryebashkiaku Veliaj dhe 29 të tjerë ndodhen në proces gjyqësor në gjykimin themelor, pas përfundimit të 4 muajve seancë paraprake.

Ky zhvillim hap një fazë të re të procesit, ku vendimi i Gjykatës Kushtetuese mund të ketë ndikim të drejtpërdrejtë mbi masat e sigurisë të vendosura ndaj Veliajt.