Eksportet e fruta-perimeve kanë shënuar rritje me 26% gjatë vitit 2024, krahasuar me një vit më parë ka bërë me dije Ministrja e Bujqësisë dhe Zhvillimit Rural, Anila Denaj,
Sipas Denaj performanca pozitive e sektorit bujqësor tregon punën e palodhur të fermerëve tanë për produkte cilësore “Made in Albania”, konkurruese në tregjet ndërkombëtare.
“Rezultatet e punës së palodhur të çdo hallke të zinxhirit të vlerës, nga prodhuesit te përpunuesit e deri te eksportuesit, që vijojmë t’i mbështesim për të çuar produktet shqiptare në më shumë tregje ndërkombëtare, duke fuqizuar prodhimin vendas”, tha ajo.
Ministrja njoftoi gjithashtu se politikat mbështetëse kanë rritur investimet në përmirësimin e cilësisë dhe standardeve të produkteve shqiptare që po rrisin prezencën e tyre në mënyrë të qëndrueshme në tregjet ndërkombëtare.
