Reshjet e dendura dhe të pandërprera të shiut kanë rritur ndjeshëm nivelin e ujit në lumin Lana, duke krijuar situatë problematike në kryeqytet. Zona më e rrezikuar është pranë Pallatit me Shigjeta, ku ekziston rreziku që lumi të dalë nga shtrati dhe të përmbytë rrugët përreth.

Aktualisht, Lana ka arritur deri në pjesën e lulishtes dhe po rrezikon të përhapet më tej në zonat urbane. Autoritetet këshillojnë qytetarët të shmangin lëvizjen pranë brigjeve të lumit deri në stabilizimin e situatës.

Lumi Lana ka qenë shpesh problematik në të kaluarën, duke dalë nga shtrati gjatë periudhave me reshje të dendura, veçanërisht në zonën e Pallatit me Shigjeta.