Komisioneri Shtetëror i Zgjedhjeve, Ilirjan Celibashi, ka pushuar ankimimin e Partisë Demokratike në lidhje me aktivitetin e kryeministrit Edi Rama në sheshin “Skënderbej” me stafin e Bashkisë së Tiranës.
Sipas Celibashit, aktiviteti ishte i deklaruar dhe nuk përbënte shkelje të Kodit Zgjedhor.
Nga ana tjetër, përfaqësuesi i PD-së, Marash Logu e cilësoi këtë vendim si të padrejtë dhe në favor të mazhorancës.
“Ky është karshillëk, është të mos e dëgjosh Edi Ramën. Duket e kotë beteja jonë me ju për të garantuar zgjedhje me standarde” tha ai.
Takimi i Ramës me punonjësve të të gjitha shërbimeve në Bashkinë e Tiranë, u mbajt më 20 shkurt, 10 ditë pasi SPAK arrestoi kryebashkiakun e Tiranës, Erion Veliaj. Në sheshin “Skënderbej”, kreu i qeverisë premtoi se nuk do të lërë në rrugë asnjë projekt të nisur nga bashkia.
