Silvio Gonzato, ambasadori i Bashkimit Europian në Shqipëri, ka zhvilluar një takim me dy bashkëkryetarët e Komisioni i Posaçëm Parlamentar për Reformën Zgjedhore, Damian Gjiknuri dhe Oerd Bylykbashi, ku në fokus të diskutimeve ishte ecuria e reformës zgjedhore dhe hapat që pritet të ndërmerren në javët e ardhshme.

Gonzato theksoi se proceset zgjedhore të besueshme dhe në përputhje me standardet ndërkombëtare mbeten një prioritet kyç në rrugën e Shqipërisë drejt anëtarësimit në Bashkimi Europian.

Ambasadori nënvizoi rëndësinë e reformës për:

rritjen e transparencës në financimin e partive politike,

garantimin e pavarësisë së administratës zgjedhore,

parandalimin e keqpërdorimit të burimeve shtetërore gjatë fushatave zgjedhore.

Ai shtoi se një reformë e gjerë e rregullave zgjedhore, që përfshin edhe zbatimin e rekomandimeve të OSBE/ODIHR, është thelbësore për të garantuar besimin e publikut dhe për të mbrojtur integritetin e zgjedhjeve të ardhshme.