Seanca e sotme parlamentare, e shoqëruar me debate dhe tensione mes opozitës dhe maxhorancës, ka zgjedhur edhe Komisionin e Verifikimit të Mandateve të deputetëve.
Partia Demokratike dhe opozita nuk paraqitën tre emrat e tyre në komision, duke protestuar në foltore, ndërsa kryedemokrati Sali Berisha kërkoi të mbante fjalim.
Kreu i grupit të PS, Taulant Balla, në bazë të nenit 2 të rregullores, paraqiti emrat e propozuar nga maxhoranca: Milva Ikonomi, Olsi Komnici, Aulona Bylykbashi, Hatixhe Konomi dhe Alkend Balla.
Komisioni do të përcaktojë kryetarin e tij dhe më pas do të verifikojë figurën dhe mandatet e 140 deputetëve, për t’i paraqitur më pas në Kuvend gjatë seancës së shtyrë për orën 17:00.
