Diego Simeone, tekniku i Atleticos, ka vlerësuar në maksimum Real Madridin. Sipas tij, Los Blancos janë një klub i madh, i cili përbëhet nga shumë yje.

“Ronaldo largohet, Ramos largohet, Benzema largohet, Casillas largohet dhe klubi vazhdon sërish në majë.

Pse? Sepse ata e menaxhojnë dhe e përballojnë vazhdimësinë në mënyrë perfekte. Pavarësisht se kush largohet, Real Madridi mbetet gjithmonë konkurues. Atje kanë një president të fortë si Florentino, i cili drejton klubin më të mirë në botë dhe kërkon gjithmonë më të mirën.

Atje kanë një trajner të jashtëzakonshëm si Ancelotti, i cili e menaxhon shumë mirë grupin e tij. Ai është një rival për të cilin kam shumë respekt. Real Madridi është gjithmonë i kujdesshëm me merkato, bën nënshkrime të mira, veçanërisht me djem si Valverde, Rodrygo, Vinicius, të cilët kaluan nëpër akademinë e të rinjve.

Ata janë përqendruar te djemtë me të ardhme të madhe, si Bellingham e Mbappé. Pra, punojnë shumë mirë edhe në merkato. Real Madridi humbi një lojtar të rëndësishëm si Kroos, i cili admirohet nga të gjithë, por nuk do të ndryshojë nëse luan Modric apo Arda Güler. Atje qëndron mbi gjithçka klubi, grupi, skuadra, si pjesë e vazhdimësisë së sigurt, jo individët”- tha ai.