Struktura e Posaçme Kundër Korrupsionit dhe Krimit të Organizuar ka urdhëruar Byroja Kombëtare e Hetimit që t’i dorëzojë kryebashkiakut të Tiranës, Erion Veliaj, aktet hetimore në ambientet e paraburgimit.
Sipas burimeve, pasditen e së martës 72 fashikuj me rreth 28 mijë faqe dokumente janë transportuar me një furgon drejt institucionit të paraburgimit në Durrës, ku Veliaj ndodhet i arrestuar.
Ky veprim është kryer në zbatim të vendimit të Gjykata e Posaçme Kundër Korrupsionit dhe Krimit të Organizuar, e cila pranoi kërkesën e Veliajt për t’u njohur me materialet hetimore.
Gjykata ka vendosur që një oficer i BKH të vendosë në dispozicion të tij të gjithë fashikujt e dosjes hetimore brenda ambienteve të paraburgimit, në mënyrë që ai të njihet me provat dhe dokumentacionin e mbledhur nga organi i akuzës.
