Lorenc Shehu është emëruar si drejtues i komanduar i Qarkullimit Rrugor në Tiranë, në vend në Roven Zekës, i arrestuar më urdhër të Prokurorisë së Posaçme pasi akuzohet për veprën penale “Shpërdorim detyre”.
Shehu me gradën drejtues është prezantuar mëngjesin e sotëm si i komanduar në krye të rrugoreve te Tiranës.
Shehu me herët ka mbajtur edhe detyrën e drejtorit të policisë se Durrësit, nën drejtorit te policisë se Elbasanit, por dhe funksione të tjera të rëndësishme në strukturat e uniformave blu.
Kujtojmë që Roven Zeka, në cilësinë shef i Qarkullimit Rrugor Tiranë u arrestua më urdhër të SPAK dhe u la në burg me vendim të GJKKO pasi në bashkëpunim me shefin e Sektorit të Aksidenteve Sokol Novakun dhe oficerin e Policisë Gjyqësore pranë Policisë së Shtetit Edison Tabakun, janë përfshirë në një skemë korruptive teksa i kanë kërkuar familjes së shtetases Anisa Vironi, 2 mijë euro me qëllim fshehjen e një aksidenti dhe mosarrestimin e kësaj të fundit.
