Deputetja e Partisë së Lirisë, Monika Kryemadhi, e njohur më shumë për angazhimet e saj në politikë dhe për përplasjet me drejtësinë dhe Prokurorinë e Posaçme, duket se po lë pas skenën politike dhe po fokusohet në projekte të reja personale.

Së fundmi, Kryemadhi ka nisur punën për realizimin e një filmi, por jo vetëm kaq. Ajo ka hapur një kapitull tjetër të jetës së saj, duke kërkuar ndihmën e ndjekësve në rrjetet sociale për një “dilemë” që ka pak të bëjë me politikën: ngjyrën e flokëve.

Në llogarinë e saj në “Facebook”, ajo i ka kërkuar ndjekësve të zgjedhin mes dy opsioneve, bionde apo brune  duke treguar një anë më personale dhe të afërt me publikun.

Kryemadhi, e cila prej kohësh ka vendosur të qëndrojë larg skenës politike, duket se po ndërthur projektet artistike me reflektime personale, duke dhënë kështu një tjetër dimension të figurës së saj publike.