Elisa Spiropali, ish-ministre e Jashtme e Shqipërisë, e cila u shkarkua të enjten e kaluar gjatë mbledhjes së Grupit Parlamentar të Partia Socialiste e Shqipërisë, ka folur sot në seancën plenare të Kuvendi i Shqipërisë.

Gjatë fjalës së saj, Spiropali u ndal edhe te mënyra se si u bë publik largimi i saj nga posti i ministres, duke thënë se ishte habitur që këtë e kishte paralajmëruar më herët kryedemokrati Sali Berisha.

“Unë nuk flas vetëm anglisht, por edhe gjuhë tjetër të huaj. Por më mirë se shqipen nuk flas asnjë gjuhë. Edhe flas shqip, flas troç dhe flas siç duhet me Shqipërinë dhe për Shqipërinë. Çdo detyrë këtu në Kuvend është nder i madh,” u shpreh Spiropali.

Ajo theksoi se e vetmja gjë që i kishte bërë përshtypje në gjithë këtë proces ishte fakti që largimi i saj ishte paralajmëruar publikisht nga Berisha.

“E vetmja gjë për të cilën më vjen keq është që largimin e paralajmëroi Sali Berisha dhe jo ndonjë tjetër. Vetëm për këtë jam e habitur që i doli fjala dhe për asgjë tjetër,” tha ajo në përfundim të fjalës së saj.