Këshilli i Evropës (KiE) ka vendosur të heqë imunitetin ish-Sekretarit të Përgjithshëm, Thorbjorn Jagland, pas një kërkese nga policia norvegjeze, e cila ka nisur hetime për korrupsion në lidhje me lidhjet e tij me autorin e dënuar të krimeve seksuale, Jeffrey Epstein.
Vendimi u mor unanimisht nga Komiteti i Ministrave të KiE-së të mërkurën në mëngjes. Sipas njoftimit zyrtar, heqja e imunitetit u bë në përgjigje të kërkesës së autoriteteve norvegjeze.
KiE shtoi se vendimi vjen pas “zbulimeve mediatike që nga nëntori i vitit 2025”, të cilat lidhin Jaglandin me Epsteinin. Hetimet do të fokusohen nëse Jagland ka përfituar dhurata, udhëtime falas apo favore të tjera nga Epstein.
Sipas dokumenteve publike, më 25 maj 2012, Jagland i kishte shkruar Epsteinit një email ku shprehej: “Kam qenë në Tiranë. Vajza të jashtëzakonshme.”
Epstein, i njohur për krijimin e një rrjeti të gjerë për shfrytëzim seksual të viktimave të mitura, kishte korrespondencë të përsëritur me zyrtarë të fuqishëm në të gjithë Evropën. Hetimet pritet të hedhin dritë mbi lidhjet dhe favore të mundshme që Jagland mund të ketë marrë.
