Avokati Maks Haxhia ka folur për mediat pasi Apeli i GJKKO-së la në fuqi masën e sigurisë “arrest me burg” për kryebashkiakun e Tiranës, Erion Veliaj.
Haxhia tha se Prokuroria nuk solli asnjë provë të re dhe se kjo masë sigurie për kryebashkiakun Veliaj është absurde.
“Prokuroria nuk solli asnjë provë të re. Masa e tillë një absurditet që ndodh vetëm në Shqipëri, aq më tepër për vepra të tilla që nuk kanë rrezikshmëri.
Nuk mund të vendoset një masë e tillë për një kryebashkiak të zgjedhur 3 herë dhe t’i thuash je i rrezikshëm.
Rrezikshmëria është e lidhur me mundshmërinë për të kryer vepra të tjera të rrezikshme penale që dëmtojnë jetën dhe shëndetin e dikujt”, tha avokati Haxhia.
