Në ceremoninë e ndarjes së çmimeve BAFTA Games Awards, e cila u mbajt në Londër, video-loja Astro Bot ishte ajo që dominoi.
Astro Bot, e disponueshme për konsolën PlayStation 5, fitoi çmime në pesë kategori, përfshirë Video-lojën më të Mirë, Animacionin, Realizimin Audio, Familjen dhe Dizajnin e Video-lojës. Kjo nuk është befasi duke pasur parasysh kritikët e shkëlqyer dhe popullaritetin mes tifozëve. Astro Bot është versioni i parë i zhvilluar plotësisht në universin Astro.
“Sistemi i kontrollit të saktë dhe reaktiv, personazhet simpatikë dhe larmia emocionuese e mekanikës dhe mjediseve, Astro Bot është një nga lojërat më të mira që Sony ka krijuar ndonjëherë”, shkruan gazeta engadget.
Kjo video-lojë mundi konkurencën e fortë në kategorinë Video-lojën më të Mirë, duke përfshirë titujt si Balatro, Black Myth: Wukong, Helldivers 2, The Legend of Zelda: Echoes of Wisdom dhe Thank Goodness You’re Here.
Video-lojërat Still Wakes the Deep mori vendin e dytë me tre çmime BAFTA, për Pronën e Re Intelektuale, Aktorin në Rol Mbështetës dhe Aktorin në Rol Kryesor.
Mes fituesve të tjerë të natës ishin Balatro me çmimin në kategorinë Video-lojërat Debutante, Video-lojtërat Thank Goodness You’re Here fitoi çmimin Video-lojën më të Mirë Britanike, dhe Helldivers 2 në kategoritë e multiplayer dhe muzikë.
Neva mund të krenohet me çmimin për Realizimin Artistik, ndërsa krijuesit e lojës Metaphor: ReFantazio morën çmimin për Narrativën.
