Para nisjes së seancës konstituive, kandidatja për kryeparlamentare, Albulena Haxhiu, deklaroi se kryeministri në detyrë do të ketë takim me kryetarin e Nismës, Fatmir Limaj.
Ajo para mediave, tha se të dyja palët kanë vullnet për bashkëpunim, transmeton Telegrafi.
“Natyrisht që do të ketë takim me zotëri Limaj, pra kryetari jonë Albin Kurti do të ketë takime me Limajn. Tashmë e kemi bërë të qartë se kemi vullnet të dyja palët e të vazhdojmë bashkëpunimin, por deri tani nuk ka asgjë”, theksoi ajo.
Ndryshe, deputetët e Kuvendit do të mblidhen sërish sot, duke filluar nga ora 11:00, në një tjetër përpjekje për ta konstituar legjislaturën e re.
Që nga 15 prilli, Kuvendi ka dështuar plot 46 herë radhazi në zgjedhjen e kryetarit dhe nënkryetarëve.
Procesi i konstituimit ka mbetur i bllokuar pasi Lëvizja Vetëvendosje ka propozuar Albulena Haxhiun për kryetare të Kuvendit, por kjo kandidaturë nuk ka gjetur përkrahje nga partitë e tjera parlamentare. /Telegrafi/
