Kreu i PD-së, Sali Berisha ka përsëritur thirrjen ndaj kryeministrit Edi Rama, për krijimin e një qeverie teknike.

Nëse kjo gjë nuk ndodh, sipas Berishës nuk do të ndalojë mosbindja civile.

Berisha e ka cilësuar Ramën si autorin e grushtit të shtetit që i është bërë opozitës.

Deklarata e Berishës:

Kam dhe një fjalë të fundit për autorin kryesor të këtij grushti shteti që iu bë opozitës shqiptare.

Edi Rama, krijo qeverinë teknike, mos e zvarrit kot narkopushtetin tënd!

Se vetë Zoti e ka thënë, që të kthehem unë, pastroni shtëpinë.

Ne do pastrojmë shtëpinë tonë me ndihmën e Zotit, besimin e pakthyeshëm në vlerat dhe parimet tona!

Krijo qeverinë teknike se mosbindja civile është gati në radhë.

Këta burra e gra, djem dhe vajza do kenë liderin e tyre me vete.

Këto shqiptarë duan përgjigje nga ty!

Sepse piramida jote e mashtrimit sot u shkërmoq përfundimisht.

Do përgjigjesh si puçist për grushtin e shtetit që bëre kundër opozitës!

Do përgjigjesh për një vit që e ke lënë ata me kryetar të izoluar.

Do përgjigjesh për atentatin që organizove kundër tij me qëllim që ta heshtje.

Do përgjigjesh për 2 vite që grabite flamurin e PD.

Prandaj ke vetëm një rrugë. Qeverinë teknike!

Dhe të shkojmë në zgjedhje të lira.

Pse ke frikë nga vota e shqiptarëve? Pse ke frikë Edi Rama?

Për të mbyllur, i them çdo shqiptari. Sot ishte një fitore, por kemi akoma shumë punë për të triumfuar.

Ftoj të na bashkohen që të gjithë.

Rininë, pensionistët, opozitarët e rinj dhe ata të vjetrit. Shqiptarët pa parti. Biznesmenët. Nënat, baballarët, vëllezërit dhe motrat. Socialistët. Por edhe ata punonjës të administratës policë, ushtarake, që janë të ndershëm dhe bëjnë punën e tyre ne përputhje me ligjin çdo ditë.

Boll keni vuajtur ju dhe Shqipëria prej Edi Ramës. Boll ka qenë Shqipëria peng i aleancës së qelbësirave. Peng i krimit. Peng i Rilindjes.

Shqipërinë do ta shpëtojmë bashkë!

Bashkohuni në mosbindje civile, në betejën finale ndaj së keqes! Se bashku triumfojmë mbi çdo armik, firmosim çdo fitore!

Është radha jonë!

O sot, o kurrë!

Fitore, fitore, fitore!