Claudia Schiffer ka bërë një postim në rrjetet sociale kushtuar motrës së saj më të vogël, Caroline, e cila festoi ditëlindjen e saj, më 18 mars. Modelja e njohur ka ndarë me miqtë e saj online foto nga fëmijëria e tyre, duke postuar momentet e tyre të shkujdesura në fshat. Ajo është veçanërisht aktive në rrjetet sociale dhe kujdeset që shpesh të ndajë me fansat momente nga jeta, mendimet, apo edhe materiale nga e kaluara, për t’u dhënë atyre një shije të “botës” së saj. Në disa nga fotot që Claudia Schiffer ka postuar këtë herë në llogarinë personale në Instagram, shfaqet edhe vëllai i tyre.
Siç duket ata kanë një marrëdhënie të veçantë me njëri-tjetrin, teksa në foto ata janë duke luajtur në oborrin e tyre dhe janë veçanërisht të buzëqeshur. Në mbishkrimin e postimit, Claudia Schiffer ka shkruar: “Sot është ditëlindja e motrës sime të ëmbël, Caroline. “Gëzuar ditëlindjen.”
