Reforma në drejtësi solli shpresë për një sistem më të drejtë, profesional dhe antikorrupsion, duke synuar të vendosë fund sistemit klientelist, nepotik dhe korporatist. Publiku e mbështeti këtë ndryshim, duke kërkuar drejtësi cilësore dhe të besueshme.

Sipas ISP, realiteti ka treguar se institucionet e reja kanë ende sfida të mëdha. Hetimet nga Inspektoriati i Lartë i Deklarimit dhe Kontrollit të Pasurive (ILD), raporte monitoruese dhe raste të denoncuara të standardeve të dyfishta në vendimmarrje gjyqësore tregojnë se shumë pritshmëri për integritet dhe drejtësi funksionale nuk janë plotësuar.

Zgjidhja kërkon reflektim të thellë nga zyrtarët drejtues në institucione kyçe si Gjykata e Lartë, Gjykata Kushtetuese, Këshilli i Lartë Gjyqësor, Këshilli i Lartë i Prokurorisë, Prokuroria Publike, Këshilli i Etikës, SHM, ILD dhe të tjera. Ata duhet të ndërmarrin hapa konkretë për të garantuar:

Transparencë në vendimmarrje dhe procedura;

Llogaridhënie për veprimet dhe vendimet e marra;

Meritokraci në emërime dhe avancime;

Qasje antikorrupsion dhe mbrojtje të standardeve profesionale;

Drejësi e dhënë me cilësi dhe në kohë për qytetarët.

Vetëm përmes këtyre masave, pritshmëritë e publikut për një drejtësi funksionale dhe të besueshme mund të bëhen realitet.