Sipas të dhënave të publikuara nga INSTAT, gjatë vitit 2024 u regjistruan 177 punëmarrës të aksidentuar në punë, duke shënuar një rritje prej 5% krahasuar me vitin 2023.
Meshkujt përbënin shumicën dërrmuese të rasteve – 4 në 5 të aksidentuarit, ndërsa 33 aksidente patën pasojë vdekjen.
Për të identifikuar shkeljet dhe për të rritur sigurinë në vendin e punës, Inspektoriati Shtetëror i Punës kreu inspektime të rregullta gjatë gjithë vitit. Në total, u kontrolluan:
9,860 subjekte
190,000 vende pune
Një pjesë e bizneseve morën vërejtje dhe këshilla për përmirësimin e kushteve të sigurisë. Gjatë vitit 2024 u trajtuan gjithashtu 690 ankesa të punëmarrësve.
Për subjektet problematike që rezultuan në shkelje, Inspektorati ndërmori:
3,433 masa administrative
210 gjoba, me vlerë totale 54 milionë lekë
Autoritetet theksojnë se inspektimet do të vijojnë me fokus të shtuar tek bizneset që operojnë në sektorë me risk të lartë, me qëllim uljen e numrit të aksidenteve në punë.
