Skema e TVSH-së me kompensim 10% për çdo faturë që fermerët do të marrin nga grumbulluesit për produktet e tyre ka shkaktuar debate të ashpra në Komisionin e Ekonomisë, mes deputetit Erion Braçe dhe ministrit të Bujqësisë, Andis Salla.
Debati u përqendrua tek mënyra e faturimit dhe efektiviteti i skemës:
Salla: “Në faturë do të shënohet TVSH-ja në bazë të çmimit real të produktit.”
Braçe: “Si do shënohet TVSH-ja në faturë…?”
(Heshtje)
Braçe: “Pupu këta, se dinë fare, pfff, një tmerr.” (mbështet kokën në tavolinë)
Ministri Salla theksoi se çdo fermer që shkon në pikën e grumbullimit do të marrë autofaturën.
Braçe: “Me thënë të drejtën, jo.”
Salla: “Si është?”
Braçe: “Merr një copë letër, ku i thuhet ‘kaq kilogramë sollë’.”
Salla insistoi se qëllimi i kompensimit 10% është të nxisë faturimin e të gjithë produktit, duke e bërë fermerin të kërkojë autofaturën për të marrë përfitimin.
Braçe: “Kjo është e faktuar: ose nuk do pres faturë, ose do presë frakturë fiktive, ose nuk e mbledh produktin fare. Me 10% në hyrje dhe 20% në dalje nuk më del mua. Nuk njoh ndonjë grumbullues e përpunues kështu. E kemi pasur këtë skemë me 6%, dhe prap ka ndodhur.”
Salla: “Ka qenë për grumbulluesit, jo për fermerët.”
Braçe: “Nuk ka rëndësi fare.”
Salla: “Ka rëndësi se e ka marrë grumbulluesi.”
Braçe: “S’jam i interesuar për ta grumbulluar. Çfarë do të të them këtu, që vaji që prodhohet tani është pa formalizuar.”
