Protesta e Partisë Demokratike të Shqipërisë në Tiranë ka marrë një tjetër kthesë të rrezikshme, pasi militantët janë larguar nga zona e Kryeministrisë dhe Ministrisë së Infrastrukturës dhe Energjisë, duke iu drejtuar selisë së Partisë Socialiste të Shqipërisë.
Për herë të parë gjatë kësaj proteste, vala e molotovëve ka prekur disa institucione, duke krijuar një skenar të fortë dhune në kryeqytet.
Molotovë janë hedhur në zonën mes Bankës së Shqipërisë dhe selisë së partisë socialiste, ndërsa kordoni i sigurisë i vendosur nga Policia e Shtetit ka vështirësuar depërtimin e protestuesve drejt godinës.
Situata mbetet e tensionuar dhe në zhvillim, ndërsa forcat e rendit vijojnë përpjekjet për të mbajtur nën kontroll përshkallëzimin e dhunës.
