Pas përfundimit të fjalimit të kryedemokratit Sali Berisha, protestës së Partisë Demokratike i janë shtuar tensionet. Në drejtim të forcave policore janë hedhur disa bomba molotov, ndërsa flakë dhe tym janë vërejtur edhe në hyrjen e Kryeministrisë.

Policia ndodhet në vendngjarje duke ndërhyrë për të shmangur përshkallëzimin e situatës dhe për të siguruar rendin publik. Ende nuk raportohet për persona të lënduar, ndërsa autoritetet po vijojnë hetimet për identifikimin e personave që kanë kryer aktin.