Gjykata e Posaçme ka vendosur dy masa sigurie për Belinda Ballukun, pezullim të ushtrimit të detyrës si zv/Kryeministre dhe Ministre, dhe ndalim të daljes jashtë vendit.

Sipas burimeve, këto masa janë vendosur pas kërkesës së prokurorit Dritan Prençi, ndërsa Balluku akuzohet nga SPAK për shkelje të barazisë në tendera.

Akuza lidhet konkretisht me tenderin për tunelin e Llogarasë, në aksin Orikum–Himarë, ku SPAK dyshon manipulime në procedurën e prokurimit.

Vendimi u dha nga gjyqtari Erion Çela, ndërsa SPAK thekson se po heton në kuadër të procedimit penal nr. 136 të vitit 2025.