Sipas burimeve, Balla u thirr nga prokurori Dritan Prençi dhe u pyet në cilësinë e personit që ka dijeni mbi rrethanat e dosjes që lidhet me Ballukun. Ai qëndroi rreth dy orë në Prokurorinë e Posaçme, përpara se të largohej nga ambientet e saj.

Edhe pse çifti është i divorcuar prej vitesh, mësohet se marrëdhënia mes tyre ka vijuar në forma të ndryshme ndër vite.

Ndërkohë, hetimet e SPAK për pasurinë e Ballukut vijojnë të thellohen, duke përfshirë verifikime mbi transaksione financiare, udhëtime dhe pagesa të ndryshme, si dhe kontrollin e kompanive që kanë përfituar tendera gjatë periudhës së administrimit të saj.