Kreu i PD-së, Sali Berisha, ka reaguar pas shpalljes së vendimit të Gjykatës Kushtetuese.

Ai ka quajtur antikushtetues vendimin.

“Kryetarja e Gjykatës Antikushtetuese doli në konferencë shtypi.

Doli në konferencë shtypi dhe informoi një vendim të turpshëm, një vendim që dëshmon shkallën më të ulët të gjykimit dhe të përgjegjësisë.

Një vendim që është i barabartë me një të një gjykate fakti.

Një vendim që Gjykatën Kushtetuese e shpall jokushtetuese, antikushtetuese.

Edhe njëherë miq, ndjehem krenar që mbrojta Kushtetutën, qëndrova kundër puçit që i bëri parlamentit një grusht horrash në organizatën kriminale të Skapit të partisë dhe gjykatësja me 5 mbiemra.

Mbrojtja Kushtetutën, ndarjen e pushteteve nga një puç i ulët.

Kurse Gjykata Kushtetuese, në një vendim të turpshëm, quan joproporcional, nuk bën fjalë se i merret pushteti parlamentit me vendimin ekstrakushtetuese, ekstraligjor”, ka thënë Berisha.

Sipas tij, ky është një kapitull tjetër i turpit, i paralajmëruar 10 ditë më parë nga Ulsi Manja me dokumente se Rama na njoftoi për vendimin që do merrej.

“Kushtetuesja damkosi sërish veten e saj! Çështja do shkojë në Strasburg, aty ku nuk sillen si zuzarë me ligjet

Por në narkoshtet, siç e cilësoi rezoluta e 109 partive politike, nuk ka ligj, nuk ka Kushtetutë.

Narkoshteti ka vetëm vullnetin e narkodiktatorit dhe ky është vendimi i turpshëm që informoi sot, vendim në të cilin gjykata tregoi nivelin e saj mjeran.

Shkeli Kushtetutën. Shkeli ligjin e vet.Shkeli ligj e vet si skllevër të diktatorit të narkoshtetit.Pra, është radha jonë.

Është radha jonë.Është radha jonë.Me vendimin e saj, Gjykata Kushtetuese damkosi në mënyrë të përsëritur veten e vet. Njerëz pa karakter, pa moral ligjor, mercenarë”, është shprehur Berisha.